Where is The Glasgow ?

Oh, where is the Glasgow where I used to stey,
The white wally closes done up wi' pipe cley;
Where ye knew every neighbour from first floor tae third.
And tae keep your door locked was considered absurd.
Do you know the folk steying next door tae you ? 

And where is the wee shop where I used tae buy
A quarter o' totties, a tuppeny pie,
A bag o' broken biscuits an' three toty scones,
An! the wumman aye asked, "How's your maw getting on ?"
Can your big supermarket give service like that ?

And where is the wean that once played in the street
Wi' a jorrie, a peerie, a gird wi' a cleek ?
Can he still cadge a hudgie  an' dreep aff a dyke,
Or is writing on walls noo the wan thing he likes ?
Can he tell Chickie Kellie frae Hunch, Cuddy, Hunch ?

And where is the tram-car that once did the ton
Up the Great Western Road on the old Yoker run ?
The conductress aye knew how to deal wi' a nyaff-
"If ye're gaun, then get oan, if ye're no, then get aff !"
Are there ony like her on the buses the day ?

And where is the chip shop that I knew sae well,
The wee corner cafe where they used tae sell
Hot peas and brae an' MacCallums an' pokes,
An ye knew they were Tallies the minute they spoke:
" Dae ye want-a-da raspberry ower yer ice-cream ? "

Ch, where is the Glasgow that I used tae know,
Big Wullie, wee shooey, the steamie, the Co.,
The shilpet wee bauchle, an' yer gas in a peep ?
If ye scrape the veneer aff, are these things still there?
  

Adam McNaughton